Yangilanayotgan Konstitutsiya

MY5 телеканали "Объектив" кўрсатуви нишонида бугун соат 20.00 да прописка ва ҳомиладорлик масаласи ҳақида сўз боради!

2023 йил 1 апрелдан пенсиялар ва нафақалар миқдори 7 фоизга оширилиши ортидан муҳим маълумотларга эътибор қаратишни лозим топдик. Яъни Янгиланаётган Конституцияда ҳам пенсиялар миқдорларига оид алоҳида норма киритилган бўлиб, унга кўра, пенсиялар миқдорлари расман белгиланган энг кам истеъмол харажатларидан оз бўлиши мумкин эмас! Хўш, бугунги кунда энг кам истеъмол харажатлари қанча?

Агар биз солиқни камайтирадиган бўлсак, давлатда маблағ етмай қолади, деган тушунча нечоғлик асосли? Бугун MY5 телеканалининг “Объектив” кўрсатуви ижодкорлари мутахассислардан неча йиллар давомида онгимизга сингиб кетган ана шу тушунчага ойдинлик киритилиши ҳақида маълум қилди.

Янгиланаётган Конституциянинг 65-моддасида фарзандларимиз олдида давлатнинг бурчи кафолатланяпти. Мутахассисларнинг қайд этишича, “ота-оналар ва уларнинг ўрнини босувчилар” деган тушунча биринчи марта киритиляпти”. Шунингдек, “энг яхши шарт-шароит яратиш давлатнинг бурчи“ деб белгиланаётгани таъкидланяпти. Аммо MY5 телеканалининг “Объектив” кўрсатуви ижодкорлари эса мутахассисларга муҳим масалани кўндаланг қўйиб, қуш уясида кўрганини қилишини ҳам эслатиб ўтган. Эҳтимол бу борада ҳам мутахассисларда аниқ изоҳ бордир. Бугун соат 20.00 да дастурни кўрсак, бунга ҳам жавоб олишимиз мумкин, бизнингча.

“Қилмиши ортидан бир киши судланган бўлса, бу ҳолат бутун бир оила келажагига, яъни унинг фарзандлари тақдирига соя солгани бўлган воқелик”, дейди MY5 телеканалининг “Объектив” ток-шоуси мутахассислари Янгиланаётган Конституцияда бу борада кутилаётган ўзгаришлар ҳақида халққа, жамоатчиликка тушунтириш бераркан.